जापान ब्युरो-१६ मे, टोक्यो।
यस बर्षको नेपाल फेस्टिबललाई भब्य, सभ्य पुर्बक सफल बनाउन युको ओकोमोतो मल्लको संयोजकत्वमा रहेको आयोजक
समितिलाई बिस्तार गरि पुर्णता दिएको छ। उप-संयोजकमा एनआरएन जापानका दिपक के.सी रहेका
छन।आज एनआरएन जापानको आयोजनामा मिलन रेस्टुरेन्टमा भएको संघसंस्थाको
प्रतिनिधिहरुको भेलाले फेस्टिबल आयोजक समितिलाई पुर्णता दिने निर्णय गरेको हो।भेला
एनआरएन जापानको कार्यलय कितासिन्जुकुमा गर्ने भनिए पनि सहभागी संख्या धेरै
भएपछि मिलन रेस्टुरेन्टमा सारिएको हो।जापानमा सक्रिय रहेका संस्थाहरुको प्रतिनिधिहरु मुल आयोजक समितिमा सदस्य रहेका छन। मुल आयोजक समिति अन्तर्गत बिभिन्न उप-समितिहरु
पनि आजै गठन गरिएको छ।
अनुजराज र माईकाल सम्मानित,
आफ्नै
ज्यान जोखिममा राखेर रेलको लिकमा परेकी जापानी महिलालाई उद्धार गर्ने नेपाली युवक
अनुज राज कार्की
र आफन्त भेटन आएका बृद्दलाई भेटाउने माईकल शेरचनलाई एनआरएन जापानका अध्यक्ष
पारसमणि पोखरेलले खदा ओडाएर सम्मान गरेको छ। सम्मान पछि बोल्दै अनुजराजले एकजना
मान्छेको क्षतबिक्षत शरिर देख्न नपरोस भन्ने भावनाले गर्दा उद्दर गर्न सकेको बताए।
अनुजराजलाई
बिहिबार साँझ एक विशेष कार्यक्रम गर्दै जेआर हिगासी निहोनले पनि एक लाख
जापानी ऐनको शपिङ कार्ड सहित सम्मान गरेको थियो।
बिजय
गुरुङ रिहाई सहयोग समितिको गठन
खानागावा
केनको कावासाकी सडक क्षेत्रमा गत महिना कार दुर्घटनामा एक जापानीजको निधन पछि फरार
रहेको आशंकामा अनुसन्धानका लागि जापानी प्रहरीले पक्राउ गरेका बिजय गुरुङको
रिहाईको लागि आबश्यक सहयोग गर्न आजैको भेलाले टासी लामाको संयोजकत्वमा बिजय गुरुङ रिहाई सहयोग समितिको निर्माण गरिएको छ। भेलामा
बोल्दै पक्राउ परेका बिजय गुरुङका मंगेतर निता गुरुङले आफुसंगको भेटमा बिजय गुरुङले
घटनाको केही समय अगाडी दुर्घटना भएको क्षेत्रमा गएको भएपनि घटना आफुद्वारा नभएको
आत्मबिश्वासको साथ भनेकोले उनी निर्दोष रहेको कुरामा शंका नरहेको बताए। साथै, गुरूङसंग
भेटपछि जापानी कानुनी ब्यबसायीले पनि उनमा रहेको आत्मबिश्वासले निर्दोष रहेको भनि
बताएको पनि सुनाए। बेलायतबाट २ साता पछि बैंककमा बिवाह बन्धनमा जापान आएका निता गुरुङले
सहयोगको लागि अनुरोध गरेका थिए।
भेलामा बोल्दै एनआरएन,जापानका अध्यक्ष पारसमणि
पोखरेलले नेपाल महोत्सब भब्य बनाउन अनि बिजय गुरुङको रिहाईको लागि सहयोग गर्न
जापानबासी नेपालीलाई अव्हान गरेका थिए। भेलाको सञ्चालन एनआरएन, जापानका केन्द्रिय
सदस्य प्रकाश पौडेल माईलाले गरेका थिए।